ᑐᙵᓱᒋᑦ  ᑭᒻᒥᕈᒻᒧᑦ

ᑭᒻᒥᕈᑦ ᐱᖅᑯᓯᑐᖃᖅᑎᒍᑦ ᐃᓄᖕᓄᑦ ᕼᐋᒻᓚᐅᔪᖅ ᐃᓂᓕᒃ ᓂᒋᖅᐸᓯᖕᓂᖅᐹᖓᓂ ᓄᕗᑯᑖᖓᓂ ᕿᑭᖅᑖᓗᖕᓯ, ᑕᐅᕙᓂ ᐃᑭᕋᓴᕐᔪᐊᒥᑦ ᑕᓯᐅᔭᕐᔪᐊᖓᓂ ᓄᓇᐅᕐ ᐊᑯᓐᓂᖓᓂ ᑯᐸᐃᒃᒥᑦ. ᕼᐋᒻᓚᖓ ᓵᙵᕗᖅ ᒐᓛᔅᒎ ᕿᙳᐊᓂ ᐊᒻᒪᓗ ᐃᓂᖃᖅᖢᓂ ᑰᔾᔪᐊᕐᒥᑦ. ᑲᔾᔮᕐᓇᖅᑐᒻᒪᕆᐅᓪᓗᓂ ᐃᓂᒋᔭᖓᓂ, ᑭᒻᒥᕈᑦ ᐃᓕᖅᑯᓯᒥᑎᒍᑦ ᐱᒻᒪᕆᐅᖃᑕᐅᕗᖅ ᐅᑭᐅᖅᑕᖅᑐᒥ. ᖃᐅᔨᒪᓚᐅᖅᓯᒪᓪᓗᓂ ᓚᐃᒃ ᕼᐋᐸᒥᑦ, ᕼᐋᒻᓚᖓ ᐃᓂᖓᓃᑉᐳᖅ ᓯᕗᓪᓕᖅᐹᑦᑎᐊᒥ ᓂᐅᕕᖅᑎᒃᑯᓐᓂ ᑕᐅᖅᓰᕕᖓᓂ ᕿᑭᖅᑖᓗᖕᒥ, ᐋᖅᑭᒃᑕᐅᔪᒥ 1911-ᒥ.  ᐃᓄᐃᑦ ᖃᓂᒋᔭᖓᓂ ᓄᓇᖃᖃᑦᑕᖅᓯᒪᕗᑦ ᐊᑯᓂᒻᒪᕆᐊᓗᒃ, ᐊᒻᒪ ᑕᐃᒪᙵᑦ 1992-ᒥ, ᑰᔾᔪᐊᖓ ᓇᓗᓇᐃᖅᑕᐅᓯᒪᕗᖅ ᐃᑦᑕᕐᓂᓴᐅᓪᓗᓂ ᑰᖑᓂᖓᓂ – ᐃᓄᒃᑎᑐᑦ ᑕᐃᔭᐅᕗᖅ ᑰᔾᔪᐊᕐᒥ ᐅᕝᕙᓘᓐᓃᑦ “ᑰᒡᔪᐊᕌᓗᖕᒥ”.

ᐅᓪᓗᒥ, ᑭᒻᒥᕈᑦ ᐊᖏᕐᕋᕆᔭᐅᕗᖅ 400 ᐅᖓᑖᓄᑦ ᐃᓄᖕᓄᑦ ᐸᐸᑦᑎᓯᒪᔪᓂ ᐱᖅᑯᓯᑐᖃᖅᑎᒍᑦ ᐃᓅᓯᐅᔪᒥᑦ. ᐃᓚᖃᖅᖢᑎᒃ ᑐᙵᓇᖅᑐᓂ ᓄᓇᓕᖕᓂ ᐃᓄᖕᓂᑦ ᑐᙵᓱᒃᑎᑦᑎᓂᐊᖅᑐᓂ ᐳᓚᕋᖅᑐᓂ, ᕼᐋᒻᒪᓚᒃᑯᑦ ᐊᒻᒪᓗ ᐊᕕᒃᑐᖅᓯᒪᓂᖓ ᐊᒥᓱᐊᓗᖕᓂ ᑐᓂᔭᒃᓴᖃᖅᐳᑦ. ᑲᔾᔮᕐᓇᕐᓂᖓ ᑲᑕᓐᓂᓕᒃ ᓄᓇᕗᒻᒥ ᒥᕐᙳᐃᖅᓯᕐᕕᖓ ᖃᓂᑦᑐᑯᓘᕗᖅ, ᐊᒻᒪᓗ ᕼᐋᒻᓚᖓ ᐱᒋᐊᕐᕕᑦᑎᐊᕚᓘᕗᖅ ᐳᓚᖃᖅᑐᓄᑦ ᕿᒥᕐᕈᔪᒪᔪᓄᑦ ᐊᒻᒪᓗ ᑲᔾᔭᐅᓴᖕᓂᕐᒧᑦ ᐊᒥᓱᓂ ᑲᔾᔮᕐᓇᖅᑑᑎᐊᓗᖕᓂ.  ᑭᒻᒥᕈᑦ ᐊᖏᕐᕋᕆᔭᐅᒋᕗᖅ ᐱᕈᖅᐸᓪᓕᐊᖏᓐᓇᖅᑐᒥ ᐃᓕᖅᑯᓯᖃᕐᓂᐅᔪᒥᑦ ᑎᑎᕋᐅᔭᒐᓂ ᐊᒻᒪᓗ ᓴᓇᐅᒐᓂᑦ, ᐃᓚᖃᖅᖢᓂ ᓴᓇᙳᐊᒐᓂ ᐅᔭᖅᑲᒥᑦ, ᑑᒑᕐᒧᑦ ᓴᓇᓯᒪᔪᓂ, ᐊᒻᒪᓗ ᐊᑐᒐᒃᓴᓂ ᐱᐅᓴᐅᑎᓂ ᓴᓇᓂᕐᒧᑦ –  ᐊᒥᓱᐃᑦ ᐊᑐᖅᐸᒃᑐᓂ ᐊᒥᓱᓂ ᐅᔭᕋᑦᑎᐊᕚᓗᖕᓂ ᐊᑭᑐᔪᒃᓴᔭᓂ ᐱᑕᖃᖅᐸᒃᑐᓂ ᐊᔾᔨᐅᙱᑦᑐᒥ ᐃᓂᒋᔭᖓᓂ.