ᑎᑎᕋᐅᔭᒐᕐᓂ ᐊᒻᒪ ᓴᓇᐅᒐᓂ ᑭᒻᒥᕈᒻᒥ ᓯᓚᕐᔪᐊᓕᒫᒥ ᖁᙱᐊᖅᑎᖃᖅᐳᑦ. ᐊᒥᓱᑦ ᓴᓇᐅᒐᓕᕆᔨᐅᔪᑦ ᑭᒻᒥᕈᒻᒥ ᐱᓕᕆᓂᖃᖅᐳᑦ ᑲᑎᙵᓂᐅᔪᓂ ᓯᓚᕐᔪᐊᓕᒫᒥ. ᑭᓯᐊᓂ, ᐱᓕᕆᐊᖏᑦ ᑐᙵᓂᖃᖅᐳᑦ ᐅᑭᐅᖅᑕᖅᑐᒥ, ᐃᓚᓕᐅᔾᔨᓪᓗᑎᒃ ᐊᕕᒃᑐᖅᓯᒪᓂᐅᔪᒥ ᐱᓕᕆᔾᔪᓯᐅᔪᓂ ᐊᒻᒪᓗ ᓄᓇᓕᖕᓂ ᐊᑐᐃᓐᓇᐅᔪᓂ ᐱᓕᕆᐅᑕᐅᔪᓂ. ᓴᖅᑭᔮᓛᖓ ᓴᓇᐅᒐᓂ ᓴᓇᙳᐊᒐᕐᒧᑦ ᐅᔭᖅᑲᒧᑦ, ᐊᒻᒪᓗ ᑕᐅᑐᒃᖢᒋᑦ ᐊᓯᖏᓐᓂ ᐃᓚᒋᔭᐅᔪᓂ ᐅᑭᐅᖅᑕᖅᑐᒥ, ᓇᓗᓇᙱᑦᑐᖅ ᓄᓇᖓᓐᓂ ᑕᑯᒃᓴᐅᓂᖓᓂ ᐊᕕᒃᑐᖅᓯᒪᓂᐅᔪᓂᒥ ᑐᑭᖃᖅᐳᖅ ᐱᑕᖃᕐᔪᐊᕐᓂᖓᓂ ᐅᔭᖅᑲᒥ ᐱᓕᕆᔾᔪᑎᒃᓴᖏᓐᓂ ᑭᒻᒥᕈᒻᒥ. ᑎᓯᓂᖓ ᐅᔭᖅᑲᒥ ᐅᕙᓂ ᓇᓂᔭᐅᔪᓐᓇᖅᑐᒥ ᓴᖅᑭᔮᖅᑎᑕᐅᕐᔪᐊᖅᐳᖅ ᑖᒃᑯᓇᓂ ᓄᓇᓕᖕᓂ ᓴᓇᙳᐊᖅᑕᐅᓯᒪᔪᓂ ᐱᓕᕆᔾᔪᓯᖏᓐᓂ. ᐱᖅᑯᓯᑐᖃᖅᑎᒍᑦ ᑎᑎᕋᐅᔭᕐᓂᖅᑕᓕᒃ ᐊᐃᕕᐅᑉ ᑑᒑᖏᓐᓂ. ᒫᓐᓇᓕᓴᐅᓂᖅᓴᒥ, ᐱᔪᒪᓂᖃᒃᑲᓐᓂᖅᑕᖃᖅᓯᒪᔪᖅ ᓴᓇᓂᕐᒧᑦ ᐱᐅᓴᐅᑎᓂᒃ ᐊᑐᒐᒃᓴᓂ, ᐊᑐᖅᖢᑎᒃ ᐊᑭᑐᒐᓚᒃᑐᓂᔾᐅᔭᖅᑲᓂ ᓇᓂᔭᐅᓯᒪᖃᑦᑕᖅᑐᓂ ᑭᒻᒥᕈᑦ ᖃᓂᒋᔭᖓᓂ.
ᐳᓚᕋᖅᑎᐅᔪᑦ ᑭᒻᒥᕈᒻᒧᑦ ᐅᐸᓪᓗᐊᖅᐳᑦ ᓲᐳᕐ ᐃᒡᓗᕐᔪᐊᒧᑦ ᑕᑯᓐᓇᒐᖃᕐᕕᖓᓄᑦ ᑕᑯᔭᖅᑐᕐᓗᑎᒃ ᐊᒻᒪᓗ ᐃᓕᑦᑎᓗᑎᒃ ᑎᑎᕋᐅᔭᒐᕐᓂ ᐊᒻᒪ ᓴᓇᐅᒐᓂᐊᕕᒃᑐᖅᓯᒪᓂᐅᔪᒥ. ᐅᕙᓂ, ᐳᓚᕋᖅᑐᑦ ᓂᐅᕕᕈᓐᓇᖅᐳᑦ ᓴᓇᙳᐊᒐᓂ, ᐱᐅᓴᐅᑎᓂ ᐊᑐᒐᒃᓴᓂ, ᖃᓪᓗᓈᖅᑕᒥ ᓴᓇᓯᒪᔪᓂ ᐊᒻᒪᓗ ᐸᐃᑉᐹᓂ ᐅᖃᐅᓯᓕᖕᓂ (ᖃᐅᔨᒋᐊᒃᑲᓐᓂᕐᓂᕐᒧᑦ ᐅᖃᐅᓯᒃᓴᓂ, ᐅᐸᒍᒃ ᑕᑯᓐᓇᒐᒃᓴᒧᑦ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓ). ᑲᒥ ᑯᐊᐸᒃᑯᑦ ᓴᓇᙳᐊᒐᖃᕈᓐᓇᕐᒥᔪᖅ ᓂᐅᕕᐊᒃᓴᒃᓴᓂ, ᐳᓚᕋᖅᑎᓪᓗ ᓂᐅᕕᕈᓐᓇᕆᕗᑦ ᓴᓇᐅᒐᓕᕆᔨᓂᑦ.