ᓲᐳᕐ ᐃᒡᓗᒧᑦ ᑕᑯᓐᓇᒐᖃᕐᕕᖓᓄᑦ ᐃᓂᒋᔭᐅᕗᖅ ᑕᑯᓂᕐᒧᑦ ᐊᒻᒪᓗ ᓂᐅᕕᕐᓂᕐᒧᑦ ᓄᓇᓕᖕᓂ ᑎᑎᕋᐅᔭᒐᕐᓂ ᐊᒻᒪᓗ ᓴᓇᐅᒐᓂ, ᐃᓚᖃᖅᖢᓂ ᓴᓇᙳᐊᒐᓂ, ᐱᐅᓴᐅᑎᓂ ᐊᑐᒐᒃᓴᓂ, ᕿᓯᖕᓂ ᐊᓐᓄᕌᓂᒃ, ᓴᐸᖓᓕᐊᖑᓯᒪᔪᓂ, ᐊᒻᒪᓗ ᐊᓯᖏᓐᓂ ᓄᓇᓕᖕᓂ ᓴᓇᐅᒐᓂ ᓲᕐᓗ ᐸᐅᕐᙵᓂ ᒥᖑᐊᖑᔪᑦ ᐊᒻᒪᓗ ᐱᖅᑯᓯᑐᖃᖅᑎᒍᑦ ᓴᕖᑦ ᓲᕐᓗ ᐅᓗᓂ. ᑕᑯᓐᓇᒐᖃᕐᕕᐅᔪᖅ ᐃᒡᓗᖃᖅᐳᖅ ᓄᑕᐅᙱᑦᑐᒥ ᕿᔪᖕᒥ ᐊᖏᕐᕋᐅᔪᒥ ᓴᓇᔭᐅᓂᑯᒥ ᑑᕕ ᓲᐳᕐᒧᑦ, ᐆᒪᔪᓕᕆᔨ ᐊᒻᒪᓗ ᓴᓇᐅᒐᓕᕆᔨ ᕿᒥᕐᕈᐊᓚᐅᖅᑐᖅ ᐊᕕᒃᑐᖅᓯᒪᓂᐅᔪᒥ. ᐃᓚᖏᑦ ᐱᓕᕆᓂᑯᖏᑦ ᓱᓕ ᓂᕕᖓᕗᑦ ᑕᑯᓐᓇᒐᖃᕐᕕᖕᒥᑦ ᒫᓐᓇᒧᑦ ᑎᑭᖦᖢᒍ, ᐊᑕᐅᓯᑐᐊᖑᖃᑕᐅᓕᖅᑐᖅ ᐱᓕᕆᐊᕕᓂᖏᑦ ᑕᑯᔭᐅᔪᓐᓇᓕᖅᑐᑦ ᑕᒪᕐᒥᒐᓚᐃᑦ ᑐᓐᓂᖅᑯᑕᐅᓚᐅᕐᒪᑕ ᐅᑭᐅᖅᑕᖅᑐᒧᑦ ᐃᓕᓐᓂᐊᕐᕕᖓᓄᑦ ᔫᓂᕘᓯᑎᒧᑦ ᑳᓪᒍᕆᒧᑦ. ᓲᐳᕐ ᐃᓚᒌᑦ ᕿᒪᒃᓯᑎᓪᓗᒋᑦ ᐊᖏᕐᕋᖓᓂ, ᐃᒡᓗᖓ ᐊᑐᖅᑕᐅᓚᐅᖅᐳᖅ ᐋᓐᓂᐊᕕᐅᓪᓗᓂ. ᒫᓐᓇ, ᑕᑯᓐᓇᒐᖃᕐᕕᒃ ᐊᐅᓚᑕᐅᕗᖅ ᖁᓕᕈᐊᒃᑯᑦ ᑎᑎᕋᐅᔭᒐᕐᓂ ᐊᒻᒪᓗ ᓴᓇᐅᒐᓂ ᑲᓱᔾᔨᖃᑎᒌᖏᓐᓄᑦ, ᐊᒻᒪᓗ ᑐᕌᖓᓂᖃᖅᖢᓂ ᑕᑯᒃᓴᐅᑎᑦᑎᓂᕐᒧᑦ ᐊᒻᒪᓗ ᑭᒡᒐᖅᑐᐃᓪᓗᓂ ᐱᓕᕆᐊᖑᔪᓂ ᓄᓇᓕᖕᓂ ᓴᓇᙳᐊᖅᑎᓂ ᐊᒻᒪᓗ ᓴᓇᐅᒐᓕᐅᖅᑎᓂᑦ. ᓴᖅᑭᓚᐅᖅᑳᕐᓇᓂ ᑕᑯᓐᓇᒐᖃᕐᕕᒃ, ᓄᓇᓕᖕᓂ ᓴᓇᐅᒐᓕᐅᖅᑎᑦ ᑭᒡᓕᖕᓕᒥ ᑕᑯᒃᓴᐅᑎᑦᑎᓂᖃᓚᐅᖅᐳᑦ ᐊᒻᒪᓗ ᓂᐅᕕᐊᒃᓴᖃᕐᓂᕐᒧᑦ ᐱᓕᕆᐊᖏᓐᓂ. ᑕᑯᓐᓇᒐᖃᕐᕕᒃ ᑐᓂᓯᓂᖃᖅᐳᖅ ᐱᕕᖃᕐᓂᐅᔪᒥᑦ ᐊᖏᕐᕋᕆᔭᐅᖏᓐᓇᕐᓂᐊᖅᑐᒥ ᓴᓇᐅᒐᖏᓐᓄᑦ ᐊᒻᒪᓗ ᑕᑯᔭᐅᕙᒃᖢᓂ ᓯᓚᕐᔪᐊᓕᒫᒥ ᖁᙱᐊᖅᑎᐅᔪᓄᑦ.
ᑕᑯᓐᓇᒐᖃᕐᕕᒃ ᒪᑐᐃᖓᕙᒃᐳᖅ ᓯᕙᑖᕐᕕᖕᒥᒐᓚᐃᓐᓇᓂ ᐊᕐᕌᒍᒥ. ᖄᒃᑲᓐᓂᐊᒍᑦ, ᐳᓚᕋᖅᑎᐅᔪᑦ ᑭᒻᒥᕈᒻᒧᑦ ᐃᓂᓕᐅᕆᔪᓐᓇᖅᐳᑦ ᑕᑯᔭᖅᑐᕐᓂᕐᒧᑦ ᑕᑯᓐᓇᒐᖃᕐᕕᖕᒧᑦ ᖃᖓᑐᐃᓐᓇᑦᑎᐊᖅ ᐅᖃᖅᓯᒪᓗᑎᒃ ᓄᓇᓕᖕᓂ ᐱᕙᓪᓕᐊᔪᓕᕆᔨᒧᑦ ᐅᕗᖓ 867-939-2247. ᑕᒪᒃᑮᑦ ᕖᓴ ᐊᒻᒪᓗ ᒫᔅᑐᑳᑦ ᐊᐅᒃᑕᔫᑦ ᐱᔭᐅᕙᒃᐳᑦ ᐊᒻᒪᓗ ᐱᓕᕆᐊᖑᔪᑦ ᐊᐅᓪᓚᖅᑎᑕᐅᔪᓐᓇᖅᐳᑦ ᑐᒃᓯᕋᖅᑕᐅᒍᑎᒃ.