ᑭᒻᒥᕈᑦ ᐊᑎᖃᖅᑎᑕᐅᕗᖅ ᐃᓄᒃᑎᑐᑦ ᐅᖃᐅᓯᕐᒥ “ᑭᖕᒥᖕᒧᑦ” ᐅᖃᐅᓯᖃᖅᑐᒥ ᐅᔭᕋᐅᓂᐅᔪᒥ ᖃᓕᕈᓯᕐᒥ 60 ᒦᑕᓂᑦ ᐃᒪᖓᓐᓂ ᓴᖅᑭᔮᖅᑐᒥ ᕼᐋᒻᓚᒥᑦ. ᒫᓐᓇ, 425-ᐸᓗᖕᓂ ᐃᓄᖕᓂ ᓄᓇᖃᖅᑐᓂ ᑭᒻᒥᕈᒻᒥ, ᐊᒻᒪᓗ 9-ᖑᔪᑦ 10-ᓂ ᐃᓅᕗᑦ. ᑕᒪᒃᑮᑦ ᖃᓪᓗᓈᑎᑐᑦ ᐊᒻᒪᓗ ᐃᓄᒃᑎᑐᑦ ᐅᖃᐅᓯᐅᕗᑦ ᕼᐋᒻᓚᒥᑦ. ᓄᓇᖓ ᑭᒻᒥᕈᒻᒥ ᓄᑕᐅᙱᓛᖑᖃᑕᐅᕗᖅ ᓯᓚᕐᔪᐊᓕᒫᒥ, ᐃᓂᖃᖅᖢᓂ ᐊᔾᔨᒌᙱᑦᑑᑎᓂ ᐅᔭᖅᑲᓄᑦ ᓴᓇᐅᒐᐅᓯᒪᔪᓂ. ᐃᒪᖓ ᐊᖏᔪᐊᓗᖕᓂ ᑎᓂᓐᓂᓕᒃ ᐅᓕᓐᓂᓕᒃ, ᐃᒪᐅᑉ ᑭᒡᓕᖏᑦ ᐊᔾᔨᒌᙱᓐᓂᖃᐅᖅᖢᑎᒃ ᐊᖏᑎᒋᔪᒥ 11 ᒦᑕᓄᑦ (36 ᐃᓯᒐᓪᓗᐊᓂ). ᐅᑭᐅᒃᑯᑦ, ᓴᖅᑭᑎᑦᑎᔪᓐᓇᖅᑐᖅ ᑲᒪᓇᖅᑐᒻᒪᕆᖕᓂ ᐊᒻᒪᓗ ᐱᐅᔪᒻᒪᕆᐊᓗᖕᓂ ᑐᖑᔪᖅᑐᓂ ᓯᕐᒥᓂᑦ.
ᐊᐅᔭᒃᑯᑦ, ᐊᑯᓂᐊᓗᖕᓂ ᐅᓪᓗᖃᖅᐸᒃᑐᑦ ᑎᑭᑦᑐᓄᑦ ᐃᑲᕐᕋᓂ 16-ᓂ ᖃᐅᒪᓂᐅᔪᓂ, ᐊᒻᒪᓗ ᐅᖅᑰᓂᖃᖅᑐᓂ ᑎᑭᐅᒪᔪᓂ 5°C-ᒥ ᐊᒻᒪᓗ 20°C-ᒧᑦ. ᒪᖁᒃᑲᐅᙱᓐᓂᖓᓂ, ᖃᓂᒋᔭᖓ ᕿᒃᑐᕆᐊᖃᓗᐊᙱᓚᖅ. ᐃᒪᐅᑉ ᓯᑯᖓ ᓱᕋᒃᐸᓪᓕᐊᓕᓲᖑᕗᖅ ᔫᓂᒥ. ᐅᑭᐅᖓ ᐱᒋᐊᖅᐸᒃᐳᖅ ᐅᒃᑐᐱᕆᒥᑦ, ᐊᐳᑎᑖᖅᐸᓪᓕᐊᓕᖅᖢᓂ. ᐅᑭᐅᒥ ᓂᒡᓚᓱᖕᓂᖓ ᐱᒋᐊᓲᖑᕗᖅ -15°C-ᒥ -40°C-ᒧᑦ.
ᐱᐅᓛᖓ ᐅᑭᐅᒃᑯᑦ ᐳᓚᕋᕐᓂᕐᒧᑦ ᒫᔾᔨ-ᕿᑎᖅᐸᓯᐊᓂ ᒪᐃ-ᕿᑎᖅᐸᓯᐊᓄᑦ; ᒫᔾᔨᒥ ᓂᒡᓚᓱᖕᓂᖅᓴᐅᓪᓗᓂ ᐊᒻᒪᓗ ᒪᐃᒥ ᐅᐱᕐᙶᒥᐅᓂᖅᓴᐅᓪᓗᓂ, ᖃᐅᒪᓂᖅᓴᐅᓪᓗᓂ. ᐊᐅᔭᒃᑯᑦ ᐱᓕᕆᓂᐅᔪᓂ, ᔪᓚᐃ ᐊᒻᒪᓗ ᐋᒍᔅᑎ ᐱᐅᓛᖑᕗᑦ ᑕᖅᑭᓂ ᓇᓄᒧᑦ ᐊᒻᒪᓗ ᐃᒪᒃᑯᑦ ᖃᓄᐃᓕᐅᕐᓂᐅᔪᓄᑦ. ᓯᕗᓪᓕᖅ ᓇᑉᐸᖓᓂ ᓯᑎᐱᕆᒥ ᑲᔾᔮᓇᕐᔪᐊᕈᓐᓇᖅᐳᖅ ᑭᓯᐊᓂ ᓱᓕ ᓂᒡᓚᓱᒐᓚᒍᓐᓇᖅᐳᖅ ᐊᒻᒪᓗ ᐅᒡᓗᖏᑦ ᓇᐃᓐᓂᖅᓴᐅᓪᓗᑎᒃ.
ᓱᓕᒃᑲᓐᓂᖅ ᓇᓗᓇᐃᕈᑎᑦ ᑭᒻᒥᕈᒻᒥᑦ:
ᐃᓂᖓ: ᑐᑭᓕᕇᒃᑐᓄᑦ N 62 51 ᐊᒻᒪᓗ W 69 53
ᖁᑦᑎᖕᓂᖓ: 53 ᒦᑕᑦ
ᓄᓇᓕᐅᔪᒥ ᕿᑲᕐᓂᐅᔪᑦ: ᑭᒻᒥᕈᑦ ᐅᓪᓗᖓ (ᔭᓄᐊᕆ 2) ᐊᒻᒪᓗ ᕼᐋᒻᓚᑦ ᐅᓪᓗᖓ (ᐊᐃᑉᕆᓕ 1)